E 1988 e oa bet digoret Skolaj Diwan Penn-ar-Bed e Brest. Bloaz war-lerc'h e oa bet staliet er Releg Kerhuon, el lec'h m'emañ c'hoazh. Degemeret e veze ennañ re yaouank o tont eus pep korn Breizh. Gant niver ar skolijidi o kreskiñ e oa bet savet skolajoù all : Skolaj Diwan Bro Dreger, e Plijidi (1995) ; Skolaj Diwan Jaker Riou, e Kemper (1997) ; Skolaj Diwan ar Mor-bihan e Gwened (1999) ; Skolaj Diwan Treglonou (2003) bet staliet e Gwiseni abaoe 2006 ; Skolaj Diwan Liger Atlantel, e Sant-Ervlan (2008). Al lise a oa bet digoret d'e dro e 1994.

Le Collège Diwan Penn-ar-Bed a ouvert ses portes en 1988 à Brest, avant d'être installé au Relecq Kerhuon, l'année suivante. Il accueillait alors des élèves venant des quatre coins de Bretagne. Au fur et à mesure de l'augmentation des effectifs, d'autres collèges ont été créés à Plesidy (1995), Quimper (1997), Vannes (1999), Tréglonou puis Guissény (2003) et Saint-Herblain (2008). Le lycée a ouvert ses portes en 1994.